વચન દિવસ...

વચન દિવસ....

જીંદગી આપણે સાથે ન વિતાવી શક્યા તો શું થઈ ગયું સાથે વિતાવેલી પળો ના સહારે જીવવું એ મારુ વચન છે તને....

સમણા તો ખૂબ સજાવેલા 

નસીબ સામે સૌ લાચાર લાચારીમા ખુશીઓ શોધી મજાથી રહીશું આ વચન છે તને.

એકબીજાને મળ્યા પછી જે આદત દિલને પડી ગઈ

એ હવે દૂર કરી મસ્ત જીવશુ આ વચન છે તને...

એકબીજા સાથે ઘરડા થવાનું,એકબીજા જેવા છીએ એવા સહજ સ્વીકારી લેશું આ વચન છે તને...

તારા વિના જીવન સુનુ લાગે છે,રાત ઉજાગરા કરાવે,આંખોના અશ્રુરુપી દરિયામાંથી બહાર આવી દુનિયાની હકીકતનો સામનો કરશું આ વચન છે તને...

ઈચ્છા હતી સપ્તપદીના ફેરા લઈ એકબીજાના પાક્કા હમસફર બનશુ પરંતુ જીવનના વળાંક ને મંજૂર નો હતું,એકબીજા દિલના એકખુણે અકબંધ રાખશું આ વચન છે તને...

અંતરમાં હતા ઓરતા ઘણાં,પરંતુ ઉંબરો નડ્યો વ્હાલમ,કંઈ પણ થાય દરેક પરિસ્થિતિને ખુશીથી ગળે લગાવી જીવી લેશું આ વચન છે મારુ આપને...

જીવન ખુશ લાંબી મુસાફરી છે,આ યાત્રા સહકુશળે પાર પડે તેવી આશા રાખી પોતાના કામથી લોકદિલમા જગા બનાવશુ,સાથે ન જીવ્યા તો શું થઈ ગયું ઈશ્વરના દરબારમાં મળીશું આ વચન છે તને...

શૈમી ઓઝા "લફ્ઝ"